وهم وظنون
------------
جاياني تطلب ودها وتقول حبيبتي
وكلام كتير من مخها وبكل لون
وف لحظه واحده عرفتها وياريت ماكنتي
كانت فـ مره قابلتها يمكن يكون
والوقت راح من وقتها طب ليه رجعتي
حالف بربي وربها ولا يوم أخون
حبي لحبيبتي وقربها مش ليكي إنتي
وإزاي تشاركي في حبها ينفع يكون !
الشرع حلل أربعه لكن غِلطتي
للقلب واحده عشقتها واتنين جنون
وف قلبي ساكنه بحبها جواه أميرتي
ومفيش أكيد مين زيها وهم وظنون
عندي حبيبتي بأربعه وخلاص عرفتي
وحلال سكنت ف قلبها وحلفت اصون
وانسي خلاص راح وقتها وياريت سكتي
كانت دقيقه أظنها من غير ديون
------------------------------
هشام عوض
19 اكتوبر 2017 م
--------------------
ليست هناك تعليقات:
إرسال تعليق