القصيدة اللي هي
من زمان وانا نفسي اكتب عن القصيدة اللي هي
يكون كلامها سهل بسيط المعاني دسمة و شهيه
حروف جميلة مظبوطة تسعد كيان الامه العربيه
قصيدتي وطنيه عن القدس و القضية الفلسطنيه
عن ظلم الشعب وبطش وعداء الدولة الصهيونيه
وقلت اتكلم عن الارهاب والمنظمات الارهابيه
عن تهجير وشتات الشعب في العراق وسوريه
قلت اتكلم عن الاسعار وجشع التجار الحراميه
فضلت افكر واتكلم عن حالتنا اللي بقت مزريه
لاقيت الوطن مشتت ومجروح بكام الف قضيه
قلبي ساعتها حزن وبسرعة نزلت دموع عنيه
قلت لنفسي اسكت وبلاش تجيب لنفسك رزيه
اقعد جنب الحيطة افطر حبة فول علي طعميه
بلاش تتكلم و مش هتغير مصيرالامه العربيه
اكتب عن الحب والعشق والغرام عيش الحنيه
كده كده محدش هيشوف اي كلام عن الوطنيه
اديك شايف القلوب اتحجرت والقضية منتهية
خلاص الجهل والعمي صاب عقول البشريه
الشاعر مدحت فضل
ليست هناك تعليقات:
إرسال تعليق