ياحب
بقلم
اسماعيل محمود
ياحب
ياللي محير فيك لياليا
انت السبب في انشغال
بالي و قلبي وعنيا
ياحب
خلتني ليه بس احب
حبيب مش ليا
شايفه علي مراية القلب
كل آمالي
والعمر
اللي كان رخيص قبله
صبح غالي
صورته جنة سعاده
في عز هموم وجروح
شريان حياه يحيي قلبي
طول ما فهواه مدبوح
بحور احلام ماترضي
ترسي مراكبها
إلا بنشوة وصاله
علي شطوط الروح
علي صفحة الحب
بكتب بحبرإحساسيي
وأحلف بإني فحبه
مملكش غير هيا
ونبض قلمي وأمنيه
والف سؤال حيران
ومين يرد الجواب ليا
ياهل تري مكتوب لي
ياحب
في كتاب قدري
كلمة أمل في سطور
اللي جاي من عمري
تروي بكاس الفرح
أحزان لشفايف
بكره اللي كان خايف
دايما من خيبة أمانينا
وامسح دموع الحلم
بإيد الحقيقه
في يوم
مالقي اللي حبيته
ياحب ...صبح ليا
ليست هناك تعليقات:
إرسال تعليق