////// حبيبتي
هكتب علي صدري الف
مره احبك
وارسم صورتي بلون الورد
علي خدودك
واقول لاهل الهوي في ليل
الضنا انا عاشقك
واغطي وجه القمر في ليل
السهر ينام علي عودك
واحلف برب القدر هعيش اصون
ولا اخون في يوم عهدك
واكتب بريشة العشاق بين عيونك
انا حارس علي عهودك
وتضحك نجوم السما فوق
السحاب والاقيها تندهلك
ياحلوه يامدندشه الكحله
سيف مرسوم علي جفنك
ليلنا بيشتاق لحضن دافي
وحضننا وجودك
ياضي في ليل السهاري
وامان الحياري العاشقين
صوتك لحن عزفه الوتر
صوت شجن واغاني
وكلمة احبك اربع حروف
ماينطقها قلب في يوم
داق الخوف
اربع حروف نطقها اللسان
ومن القلب بالغرام صادقين
تعالي نعيش بعيد عن البشر
زمن تاني
تعالي في ليلنا اكون فارس
بسيف الطهر حارس علي قلبك
اسجل بقلمي علي سطور الامل
حروف همسك
والاقيكي ياعمري وحدك من بين
كل النسا اوطاني
تعالي ننده علي طير وسط الفضا
خدنا علي جناحك
خدنا لأرض فيها الصدق وشوق
العشق اغسل فيها حرماني
//////// كلمات خاصه
///////// دكتور احمد حافظ
ليست هناك تعليقات:
إرسال تعليق