....... افرض ضريبة ........بقلم الشاعر شريف رستم ..

القصيدة مستوحاة من كلام الناس فى الشارع وفى المقاهى والاسواق والمواصلات 

.................. افرض ضريبة ........

افرض ضريبة ...

علبا وعلى الى خلفونى ...

وبالمرة اسألهم ..

لية وازاى جابونى ..

ووعد منى مش حفتح ...

بق امى ..

ولو نطقت .. 

قولهم بالجزمة يضربونى ..

********

وافرض ضريبة ..

عالجوامع والكنايس ..

وعالى هايص والى حايس ..

وعالزكاة وعالصلاة ..

وعلى اى حد عاش فى 

مصر وماقلش اةةةة ..

وضريبة تانية جامدة خالص ..

على اى بلاص يجيب سيرة الرئيس ..

***********

وافرض ضريبة .

عالبفرة وعلى الحشيش ..

وعلى اى واحد ضرب ..

جوان مش عارف يعيش ..

ماعدتش فارقة كدة ..

كدة خربانة ومافيش ..

ولو سالنا نستنى رد :

لكن ياحسرة مابنلاقيش .

***********

وافرض ضريبة ..

عالفانلة والباس .

.وعلى الى خطب اوحتى ..

حضن ولا باس .

.وعلى الى نام يوم التلات ..

اصلة معرفش ياعينى ..

فنام فطيس ..

وعلى الى ظبط سهرتة يوم الخميس .

وزى بعضة نستحمل علشان مصر .

مش لازم نهيص .

**********************

وافرض ضريبة ...

على السلام وعالكلام ..

وعلى الامان والابتسام ...

والى صاحى والى نام .. 

دا شعب متعب مايستحقش الاهتمام ...

************

خمسين سنة وشوف ..

جت كام حكومة ..

وكام رئيس خطب ..

وقال اعذرونا ..

انا مستلمها فاضية خالص ..

ادونى فرصة وانا 

اخليهالكوا مصر الجديدة .

وانا زى مانا ..

ماشفت غير الاسية ..

عايش بعرقى ..

مارحت بورتو او مارينا..

كفاية بقى حرام عليكوا ..

بصراحة بقى طلعتوا دين ابونا 

بقلم شريف رستم ..

8/2016