الذنب مش ذنبي
قصيده حزينه عن سفينه ،،موكب الرسول ،، برشيد
بقلمي / اسماعيل شتا شمس
الذنب مش ذنبي
ومال ذنب مين
ذنبي إن كنت طموح
وكان عندي هدف وطموح
الذنب مش ذنب
ومال ذنب مين
ذنبي إن كنت بحلم بحجات كتير
منها إن كنت أعيش
أعيش حياه كريمه زي البني أدمين
الذنب مش ذنبي
ومال ذنب مين
ذنبي إني كنت عايز أكل رغيف عيش نظيف
الذنب مش ذنبي
ومال ذنب مين
ذنبي إن كنت بفكر في عش لكن بسيط
الذنب مش ذنبي
ومال ذنب مين
ذنبي إن كنت عبيط
ولا ذنبي إن كنت رخيص
ولا ذنبي إن كنت تافه
ولا ذنبي إن كنت ماليش
ولا ذنبي إن كنت ساكت
ولا ذنبي إن كنت أعمي
ولا ذنبي إن كنت أخرص
ولا ذنبي إن كنت عاجز
ولا ذنبي ولا ولا ولا ذنب مين
ذنبي إن رخيص
رخيص ماليش ثمن ولا حتي بربع رغيف
رخيص ماليش ثمن
غارق من الأحوال
غارق في بحر مياه
وللأسف عطشان
وكمان كمان جوعان
الذنب مش ذنبي
ومال ذنب مين
ذنبي إن كنت مسافر لبلاد فيها حنين
أو حتي فيها رنين
أو حتي فيها ثمن
الذنب مش ذنبي
ومال ذنب مين
ذنبي إن كنت عايز اتجوز
وبكون لي بيت وونيس
الذنب مش ذنبي
ومال ذنب مين
ذنبي إن كنت غير شرعي
قلولي يابني ادمين
إيه اللي بقا شرعي فيكي ياأم المصرين
سرقه ،وغلاء ، وجشع ، وظلم ، الخ....
الذنب مش ذنبي
ومال ذنب مين
ذنبي إن كنت طموح
بحلم بحلم جميل
أفرح أبويا وأمي
اللي ماذاقوا الفرح من سنين
ذنبي إن كنت ضعيف
ضعيف الجناح وكمان مبعرفشي أطير
الذنب مش ذنبي
ومال ذنب مين
ذنبي إن كنت رشيد
الذنب مش ذنبي
ومال ذنب مين
ذنبي إن كنت عظم في كيس
وتحت النعال ينداس
الذنب مش ذنبي
ومال ذنب مين
العيشه مره والغلاء بقا خبيث
الذنب مش ذنبي
ومال ذنب مين
ذنبي إن كنت مسافر في مركب صيد
ذنبي إن كنت بطمع في لبس نظيف
ذنبي إن كنت بحلم بحلم بسيط
ذنبي إن كنت بفكر أعيش
الذنب مش ذنبي
ومال ذنب مين
ذنبي إني أغرق
وبين الأمواج أهيص
ذنبي إني أموت
علشان السمك يعيش
ذنبي إني أموت علشان الحيتان تعيش
الذنب مش ذنبي ومال ذنب مين ...
إوعاك يارشيدي تنسي
تحط النقط فوق الحروف
د الكلام من غير نقط
لا ينكتب ولا ينقراء
الذنب مش ذنبي ومال ذنب مين ؟
اسماعيل شتا
ليست هناك تعليقات:
إرسال تعليق