رشيد…. 3
[{}][{}]. المصري ابو دم رخيص. [{}][{}]
جابوني جثه علي الدار
وكنت ناوي اجيب دولار
طهقت وقولت اجرب
ذي غيري شباب ومش ههرب
يمكن ارجع بقوتي
اتاري جريت لموتي
وامي يعيني بتدعيلي
وتقولي امتي تجيلي
دعيالك من قلبي الطاهر
عارفاك يابني ماهر
يخساره البحر مالوش شاطر
خدني مع اني كنت بعافر
زمايلي حوليا بيتشاهدوا
سمعت الموت وبشاهدوا
ساعتها امي جت علي بالي
مش عارفه ايه بيجرالي
جابوا جثتي العايمه
صحوها دي كانت نايمه
صرخت لما عرفتني
وقالت نايبه نابتني
ده محمد كبير اخواته
فين تهليله مفيش غير سوكاته
صحوه يمكن يفوق
قلبي لصوته مليان شوق
خلاص محمد مات
ولسه غيره ات
هوه ده محمد ده القميص
المصري ابو دم رخيص
بقلم الشاعر .عادل عباس. المحامي
ليست هناك تعليقات:
إرسال تعليق