رشيد.. 2
[{}][{}]. يمكن يختشوا الكلاب. [{}][{}]
رايح والحلم قدامي
بجدف ودراعي شباب
شايل همومي علي كتافي
والحلم رايحله
مش هستناه ع الباب
وف ليلة سوده كان يومي
غدر الزمن من غير عتاب
زئير الموج عماني
افتكرت الاهل والاحباب
ومر الموت علي عيني
شايفك يا امي حيلك ساب
ميهمكيش رحيلي و موتي
لكل. اجل. كتاب
يتمزق ويتنهش لحمي
ايه اللي جري
مفيش اسباب
العتمة بتبلع اخواتي
مش عامله لبدني حساب
الجته طافية ومرميه
هاتوا جثثنا ع الاعتاب
وخلوا الطلعة جماعية
يمكن يختشوا الكلاب
بقلم الشاعر. عادل عباس. المحامي
ليست هناك تعليقات:
إرسال تعليق