/////// حبيبتي
ظلموني وقالوا عليه بتغير
مايعرفوش ان قلبي متحير
بين ضحكه بتاخدني
توريني لون السما الازرق
وترجعني لارض ربيع اخضر
ولو حبيبتي حقيقي بتغير
ازاي قلبي انا يقدر
يسيب عمر ابتدا بيكي
يسيب ازاي دفا حضنك
وييجي في لحظه يتغير
اتهموني واسامحهم
واقول اصبر
يمكن زمانهم يداويهم
يمكن ليلهم يوريهم
حقيقة قلب اتولد عاشق
بصوت الصدق صرخ ناطق
حبيبتي انا عمري في
هواكي ما اتغير
يمكن يكون خدني زماني
لحظه بعيد عنك
يمكن تلاقي دمعتي في غيابك
بركان بتصرخ آه مشتاقه
ساعات قربك
يمكن يكون الليل هرب مني
لكن ورب الكون عشانك انابسهر
ولو قلبي حبيبتي بعد عني
هلاقي قلبك لحظتها بياخدني
دقاته تداويني قربك بيكفيني
والاقيكي تناديني يانور عيني
تعالي قرب في حضنك ارميني
وغطيني برموشك الحلوين
ولونك الاسمر
وعودك المطروح علي عمري
وانا عمري علي غيابك في
يوم اقدر
ومهما طالت سنين بعدك
عمر قلبي مايتغير
/////// كلمات خاصه
///////// دكتور احمد حافظ
ليست هناك تعليقات:
إرسال تعليق