لو تفهموني .... !! كلمات الشاعر / أحمد عبد اللطيف النجار

بسم الله الرحمن الرحيم

لو تفهموني .... !!

رداً علي الغاضبون والغاضبات من لغتي البسيطة في أشعاري وأحاسيسي ، وآخرين يدعون أنها لغة غير واضحة !!!

كلمات / أحمد عبد اللطيف النجار 

شاعر أم الدنيا الحزين

لو تفهموني ..

يمكن كنتم ...

تعذروني ..

لو تسمعوني ..

وتعقلوا ...

معنى كلامي

كنتم يوم ...

تقدّروني ..

الإحساس ..

شيء فوق ..

الطبيعة ..

مش خواطر ..

تكتبوها ..

قوام سريعة

أو قوافي خالية 

من المعاني ..

البديعة 

المشاعر 

حاجة سامية ..

عمرها ما كانت..

مطيعة 

يمكن في فرحك ..

تعبّر ..

ممكن في حزنك ..

تعبّر ..

ممكن في جرحك ...

تجبّر ..

المهم يكون ...

كلامك عذب ..

وألفاظه وديعة !

والألم يجلي النفوس

أصله جاي .... 

علي الوجيعة !!

فذلكة أيام زمان ..

والمعاني علي الميزان 

والبحور والأوزان ..

شيء أصيل ...

مش ننكره 

لكن روح الشعر 

حاجة نابعة ..

من جوا النفوس ..

لما روحك تنكسر 

والحبيب عليك يدوس

معقول تحبه وتشكره ؟!

لازم تهتز المشاعر 

تبقي ساعتها ...

حقيقي شاعر 

وتعبّر عن كل ذاتك

اللي راح بعيد وفاتك

تحكي عنه ذكرياتك 

وأنت في أصعب حالاتك 

لو جربت في يوم تقول

السعادة راح تنول 

والأحزان تمشي تزول 

يبقي في مشاعرك قبول 

تلتقي الأحزان تطير 

عارفة إيه يبقي المصير 

تلقي لسؤالك حلول !

لو تعرفوا تعبّروا ..

كان حزنكم تغيّروا 

والناس تحسّ بيكم 

لمشاعركم يقدّروا 

نفسي أشوف ..

الكل شاعر 

يكتب كلام ...

جواه مشاعر 

ومهما يبقي ..

طريقه واعر 

قلبه ينوّر سكته

يحكي ولا يخاف

من الكلام ...

يخطي علي الشوك ..

والآلام !

ومهما قال الناس عليه

ها يعرفوا في يوم حكمته

هايعرفوا في يوم حكمته 

ها يعرفوا في يوم حكمته

أحمد عبد اللطيف النجار 

شاعر أم الدنيا الحزين

** ملحوظة : كل قصائدى وأشعاري كتبتها علي صوت ألحان الموسيقار العبقري عمّار الشريعي رحمه الله ، وألحان تلميذه الموسيقار العبقري ياسر عبد الرحمن حفظه الله .