(في يوم رجوعك)
رافت يوسف
انا نفسي اكتب ع التراب اللي
حضن انفاس بتخرج من
صميم قلبك وروحك......
واشوف شروق الشمس لما يغزلك
فروع محبه من نسايم خطوتك
في يوم رجوعك............
ولا القمر حلف يصاحب السهر في
ليل قدومك ويونسك علشان
يقيد بإيدية شموعك...........
كل النسايم في الغياب متشوقه
ساكنه وعايشة في الضباب
احلامها تتمني تشوفك.........
نزلت علي ارض المحبه تحضنك
ماانتي المحبه اللي اتبنت من
قلب صوتك ولون حروفك..........
كل الدروب متشوقه تلمح بشاير
خطوتك.حتي النجوم تتمني تسمع
ضحكتك تحلم بطيفك..............
حضن التراب عطشان لحضن
يضم فيه سنين ربيعك.وحلف
بانه في يوم ماراح
ابدا يسيبك........................
ماهو كل شئ سيباه هنا من نيل
وخضرة ونسيم جميل مستني
بكرة يحلف بانه كان حبيبك..............
حتي الليالي والقمر. والشمس والنور
والنهار والبحر أيام انتظار.وحشاها
أنك ترجعي ترويها
نظرة نن عينك.......................
وانا زيهم اشتقت لليل اللي سافر وحلم
في وقت البعاد وياكي هاجر داب
اشتياقي في حنينك................
..............................#رافت يوسف#
ليست هناك تعليقات:
إرسال تعليق