///////// حبيبتي
اجمل مسا بعد النهار لما لقيتك
بطيفك بين النجوم جنب
القمر سهران
اجمل لقا بين العيون
لما ناديتك
بصوت عاشق بالدفا مليان
يا رقيقه بين النسا بالصدق هويتك
وجفاني النوم حتي ليلي نام حيران
نفسي امشيلك لحد باب بيتك
واغنيلك بحبك قبل الزمان بزمان
نفسي اكتب حروفك وشم فرعوني
ويعرف كل السهاري لحبنا العنوان
والون خدودك بلون الربيع
يغير الزهر من حسنك
وارسم عيونك علي صدري
بلون الخمر
واسكر في ليل الشتا من
دفا حضنك
وبقلب صادق ازيح من
طريقنا عيون الشر
وألاقيكي فرحه وضحكه
تدوب الأحزان
قبل ما اغنيلك بحبك تعبني
كاس المر
بكاني من غير دموع وقلبي
ينادي الصبر
بكره تلاقي الحب اللي يستاهلك
يا عايش غريب الدار بين اهلك
وتعشق عيونك خدودها اللي
بلون الزهر
ويزيح ظلام ليلك شعاع البدر
وتسمعها تناديلك
انا عمرك
انا قدرك
انا حبك
لقربك حبيبي قلبي انا عطشان
انا اللي عذبني زماني لحد مالقيتك
انا اللي صحاني شوقي علي صوتك
انا اللي نبض قلبي طرق بابك
بقولك بحبك بصدق القول
ومش ندمان
//// كلمات خاصه
//////// دكتور احمد حافظ
ليست هناك تعليقات:
إرسال تعليق