شباب ...
الشباب في زماننا مايع
للرجولة والنخوة بايع
بقى جاهل بدون صنايع
لنصيحة أبوه بجد جايع
قلبه مليان بالوجايع
للشيطان للفسدة طايع
مسلسلات بتهد فيه
القهاوي بتنادي ليه
المعاصي بتداديه
سرقت خلق كان بانيه
أيادي فاسدة بتشتريه
بالتعاطي بتبتليه
ساعتها يشعر بتيه
سب دين عنده عادي
التحرش زي الزبادي
عل هفوة يضغط الزناد
يذل نفسه كأنه سادي
أستاذ تخصص بالفساد
فالح بس في العناد
باع سمعته باع بلادي
يارب كن له خير هاد
عصام الباز
ليست هناك تعليقات:
إرسال تعليق