...... حبيبتي ــ بقلمي الشاعر دكتور احمد حافظ

....... حبيبتي
سهرت الليل لقيت حلمي
تايه في احضانك
وأذن مؤذن العشاق
بصوت نادي
في قلب الليل لقيت
صوته للحلم بينادي
قوم ياللي هواك طل
من الشباك
أتوضي من قربها واروي
عطش شوقك
وزمزم نفسك الدافي
من حضنها هنا وهناك
وتعالي لقبلة عيونها
وصلي صلاة الروح
وارفع ايديك بالدعا
وصلي بكل خشوع
لحظة ركوعك حسيتك
بقلب عاشق مجروح
وزيد في الدعا لقربها
وحس عطر المحبه
في تنهيده من صدرها
ولو زاد عليك حنين الشوق
خلي دعاك بصوت عالي
وعلي الخد تجري دموع
وبلاش تداري دموع
قلبك الموجوع
كمل صلاتك وشهد
عليها جوف الليل
ورتل ترانيم عشقها
بالغنا مواويل
واختم صلاتك حروف
علي سطور برهان مع تراتيل
اًصل صلاة العشق ما تجوزشي
علي الأسيين
صلاة العشق تلاقيها
وسط الظلام قناديل
تنور قلوب الصادقين وتبعد
بنورها عن الخاينين
صلاة العشق زي التلج بتبرد
الأه في كل قلب حزين
والليل سفير للعشق وصلاته
ساكن بقلبه حنين
ساعات يطبطب علي العيون
وساعات قلوبنا عليه بتهون
ياخدنا لبحر من غير شطوط
وموجه كله سكون
الليل ملاذ للقلوب الحيرانين
تلاقيه بيرسم الأماني لوحه
مليانه برتوش
كلها عيون حبيبتي سكنتها
البراءه زي اطفال مايكدبوش
والمؤذن لما أذن ختم اذانه بأسمك
ياعمري أسم غيري مايعرفوش
يسمعه بس قلبي اللي عشقك
لكن حد تاني مايسمعوش
............... بقلمي
............ دكتور احمد حافظ