(((( المنافق ))))) كلمات الشاعر/ ربيع الغريب

(((( المنافق )))))

لما تقول عالظلم .... عدل
لما تقول عالضلمه .. نور
لما تشوف بعنيك .. الغدر
لما ترضى بحكم ... الزور
لما الدم يسيل .. عالأرض
وإنت بكدا فرحان مسرور
تبقى إنت منافق ... بجد
وكمان بتلف ...... وبتدور
لما تقول عالظلم ..... عدل
ولما تقول عالضلمه .. نور
......................
بتنافق علشان .. مصلحتك
ومايهمكش .. شهادة الزور
مايهمكش كمان غير نفسك
عايش بلا إحساس وشعور
بص لكل منافق .. قبلك
كان متكبر أو ... مغرور
وساعتها هتعرف كدا إنك
بكره هايجى عليك الدور
طول ماإنت بتعيش في الجبن
وبترضى بشهادة ... الزور
طول ما انت بترضى بالغدر
وبتزرع فى الأرض .. البور
تبقى أنت منافق .... بجد
وكمان بتلف ....... وبتدور
لما تقول عالظلم ..... عدل
ولما تقول عالضلمه ... نور
........................

كلمات/ ربيع الغريب
/////////////////////////