..... حبيبتي
لحظة حنين تاهت
وسط ساعات السكون
ولوعة قلب عاشق
تهز حدود الكون
صوت الأنين لقيته
علي الخد دمعه كتبت
بيها سطر احزاني
ودقه بين الضلوع
وسط ظلام الليل
حسيتها وجعاني
صرختها نطقت ألم
من قلب صافي حنون
أحلام وبتتوه مننا حلفت
لتبعد عننا ومش راجعه
أنده عليها وصوت الأه
ساكنها بقاله سنين وسنين
يا حلم في ليل الشتا كنت
بتمناه يمسح غبار السنين
لزمني وحرماني
ياعمر بلاقيه طريق
ممدود فيه الشجن محسوس
لا عمري حسيت
بوقت فيك ولا لقيت
فيك للعشق حدود
مين حولك ياحلم لزمن
تاني كله دموع وكابوس
ووصاك بالكدب تبعد
عني وتنساني
في القرب بعد الغياب
كل العذاب بيهون
ولو دار بيننا عتاب
حتي في العتاب بنصون
قلوب كان قاسي عليها
الزمن دفعت من عمرها
مليون تمن
ورغم كل الألم لا يوم
النبض فيها انسجن
ولا الأمل وسط الأنين اندفن
ولقيتك انتي من بين كل النسا
حدود الوطن وقلبي في
الوطن مسجون
............... بقلمي
ليست هناك تعليقات:
إرسال تعليق