الرضا بقلم الشاعر محمد أبو المعاطى
الرضا
.............................................
فى ناس الرضا فى طباعها
و لو هتمص فى صباعها
ما تبص أبدا للى مش بتاعها
فى ناس الرضا متاعها
و فى ناس أبدًا ما بتشبع
تقوم من ع الأكل ترضع
فى ناس ما بتحب تعتب و لا تلوم
و اللى على لسانها بكرة القيامة تقوم
و فى ناس على أد ما معاها بتزوم
و حوالين لقمة الفقير بتحوم
فى ناس هى كده ربنا صبغها
ناس طيبة مكبرة دماغها
و يكفيها م الدنيا قرش صاغها
و ناس على جثة ناس بتشترى مصاغها
الله يرحمَك يا جدى الله يرحمِك يا ستى
الله يرحمَك يا والدى الله يرحمِك يا حبيبتى
فى ناس أطْيَبْ من الطيابة
و فى ناس أخْيَبْ من الخيابة
الله يرحمِك يا مه الله يرحمَك يا با
فى ناس تقوم من الفجر تسعى
و فى ناس مسئولة رضا إن قامت تسعة
فى ناس ترضى بالجنية و تقوله يا بيه
و فى ناس من قلة الرضا بتدوس عليه
فى ناس تقولك هى كده رضا
و لو مفيش فى جيوبه اللضا
و فى ناس أبدًا ما بترضى
فى الجيش و الشرطة و القضا
...............................................
بقلم محمد أبو المعاطى
ليست هناك تعليقات:
إرسال تعليق