قصيدة / ( ابنى )
الشاعرة /هدى سيد
ايوه انت ابن
ى حتى ولو
ى حتى ولو
مش مكتوب فى شهادتك اسمى
انى اكون لك امك بجد
مش محتاجة شهادة من حد
ايوه انت ابنى غصب عنك
حتى ولو كان حبى ده خانقك
كل ما اشوفك والمح خوفك
القى القلب يحن عليك
ف ما تسالش ازاى واشمعنى
ان انت اللى بحس انا بيك
هى الام ازاى راح تشرح
هى ازاى بتحب ولادها
ولا تفسر كل ده ليك
حبك جوه ف قلبى بيكبر
ويرشرش رياحينه وعنبر
ويحلى الدنيا ف عنيه
واتمسك بيك اكتر واكتر
وافخر انى ف يوم حبيتك
وف قلبى داريتك خبيتك
وبرمش العين انا غطيتك
وبقران ربنا ورقيتك
م العين الحاسدة لتصيبك
ايوه انت ابنى وحفضل اقول
ربى تفضل كده على طول
ضى لعينى نور لحياتى
واوعى حبك ليا يزول
كلمة حاضر بتفرحنى
وترقص قلبى وتسعدنى
علشان كده لو تطلب عينى
من غير تفكير راح تلاقينى
ايوه انت ابنى وضى لعينى
ليست هناك تعليقات:
إرسال تعليق