بسم الله الرحمن الرحيم
ألم الحب ....!
( إلي مجهولة الاسم والعنوان )
كلمات / أحمد عبد اللطيف النجار
شاعر أم الدنيا
أتألموا ...
أتألموا ...
من جرح قلبي
اتعلموا ...
إن الصبر طعمه مُر
بمرارته لازم تفهموا
إن الحب شيء جميل
شعور نبيل ...
تحسوا بيه ...
تتكلموا ...
بعد الكلام ...
نطرح سؤال ..؟
صعب أكيد
ممكن قوي تتألموا ..
بنحب ليه ..؟!
ونبكي ليه ..؟
لحبيب جرحنا ..
ونظلموا ؟!
ونشكى ليه ..؟!
لحبيب قهرنا
شكوتنا ضايعة
لأن رافض يفهموا !
الحب ممكن ..
يوم يهون
والحبيب ممكن يخون
والشك يتحول ظنون
اللي حبك ...
أصله حب نفسه
حب ذاته
وفي حبك ليه يصون ؟!
هوا عارف إن نفسك ..
أنت نفسك ، ذاتك تكون
بتحب نفسك..
ولو شعر قلبك حنون
يمكن يعاتبك
يمكن يصالحك
وتهجره من غير وداع
تقول له يا ما اشتريت
وأنت قلبك فيا باع
يا ما راعيت حبك
وحفظت سرك
وأنت قلبك سري ذاع
يبقي آخرة حبي ليك
إني اصرخ بين ايديك
وانتظر نظرة عينيك
القتيهم متحجرين
القسوة فيهم...
بتقول لي ارحل
بالجرح والهم اللي فيك
يا خسارة علي ...
الحب اللي كان ...!
يا خسارة علي ...
القلب اللي خان ..!
وعرفنا ، بس ...
بعد إيه ..!
بعد ما فات الأوان
حب إيه ...
حب عاقل ...
من غير هوان
مش تآمن لحبيبك
قبل ما يديلك أمان
أصل الألم في ...
الحب جايز ..
لكن انكسار الروح
يعني انكسار إنسان
تبقى ذاته ...
مش هيا ذاته
ولا تبقي روحه
هيا حياته
ممكن يموت ألف مرة
قبل إعلان وفاته
قبل إعلان وفاته
قبل إعلان وفاته !
أحمد عبد اللطيف النجار
شاعر أم الدنيا
ليست هناك تعليقات:
إرسال تعليق