.... حبك مستحيل أنسـاه .....
إحساس/ الشاعر حسن الشوان
....................... حبك مستحيل أنسـاه ..........
....................................................................
لما غـرامك يهـزمنــي
إيه مطلوب مني تاني
ارفع الرايه وإستسلم
ما كل الناس شايفاني
وعايزني أقول واتكلم
مفيش غيرك غيرني
حقيقه بقولها لزماني
والصراحة لاز م تتقال
وتبـــان علي لساني
غيرت فيا المحال
وبنيت جوايا آمال
وخلتني أحب الدنيا
من قبل ما اقول اه
القاك تحس بيا
وتطبــطب عليا
وتسقيني الحب ومعناه
خلتني بشوفك بستان
فيه الــورود الـــــوان
وحياه جديده قدامي
وعطرك في أحلامي
وأغلي عطـر القــــاه
غير معالم كل كياني
صبرت كتير عشاني
وحبك مستحيل انساه
خدتني من حرماني
ومن قسوة الضياع
كنت دايب في أحزاني
من بعد أخـــر وداع
لقيت قلبك صحاني
وخلاني أحب الحياه
.................................................................
....... إحساس/ الشاعر حسن الشوان .......
ليست هناك تعليقات:
إرسال تعليق