تحيا بهية
غنوا معايا تحيا تحيا
قولوا ورايا تحيا تحيا
تحيا بهية أم الجلابية
ست الكل وكل ماليا
إدعوا معايا وقولوا ورايا
تعيشي على طول يابهية بهية
والأيام الحلوة تجيلك
تيجي تنورلك قناديلك
عهد عليا ياأم الدنيا
طول ماانا حي أنا هفضل أشيلك
جوه عيوني يانن عيوني
مهما تدوسني حوافر خيلك
إصبري حبة وشدي في حيلك
نادي عليت أزحف وأجيلك
ألبي نداكٍ أنا روحي فداكٍ
ولحم كتافي لتنين من خيرك
غنوا معايا تحيا تحيا
ثولوا ورايا تحيا تحيا
يحيا الجيش إللي بيحمينا
وتحيا البلد إللي بتأوينا
وتحيا الإيد إللي بتزرعها
والحلواني إللي بيبنيها
غنوا معايا يسلم يسلم
قولوا ورايا يسلم يسلم
يسلم زند أبو الفرسان
إللي معيشنا في أمان
واقف ضد إللي بينويلنا
وظلم الظالم والطغيان
بقلم طارق السيد
ليست هناك تعليقات:
إرسال تعليق