حَبه حُب.. بقلم الشاعره توءة صبرى

حَبه حُب.. 

نزلوا كده ع القلب فدق.. 

رعشه في صوتي.. 

لما لاول مره انا قلت.. 

اني بحب.. 

لمعت عيني.. 

ضيها نَوٌر كل الكون.. 

حتي الورد.. 

من فرَحُه اتجن ..

باعت ليا بوسه ع الخد.. 

كل الكون حاسس بالفرح .. 

عامل زي اهل عريس.. 

واقفين علي رجل..

واخيرا انا قلبي هيتهد.. 

لا دمعه في عين ..

ولا حتي لحظه حزن.. 

اصل حبيبي اعلن للكل.. 

اني هكون من اليوم ده نصيبه.. 

راح اشاركه فرحُه ويٌا الهم.. 

وهغمض عيني وافتحها.. 

علي صورته وبس.. 

هسمع وحدي كل كلام الحب.. 

هيكون من بقه ليا وبس..