صباح الوطن الجميل
===========
بين الزهور وجوها العادي
وقف غ غصنه البلبل الشادي
من فكر صافي ومن قلب حساس
غنى صباح الخير يا بلادي
وحسون ترغل جاوبو يا ناس
غنا معنى ولخن قرادي
وطير الحجل ما بين ورد واّس
يرقص غ دلعونا وع اليادي
وبصدق حب وعاطفه واحساس
صارت طيور الحب رداده
وشبابة الراعي تعبي الراس
يرعى الغنم في التل والوادي
وحراث يحرث حامل المنساس
وصربة صبايا النبع وراده
وعا بيدر الغلات في دراس
والشاي تحته نار وقاده
خلص درس بلش يعبي كياس
مونة قمح محصول وزياده
وفلاح حامل عا كتافه فاس
وبراسها مربوط زواده
سارح تا يسقي الارض حب وباس
وعا جبهته لشموخ بزياده
دمع العرق صبو باجمل كاس
لتراب ردد غنوة الحادي
هو الكحل للعين وبينباس
ورده بعطره فايح ونادي
يفشر ويخسا كل من هو داس
ورثة ولادي وارض اجدادي
ويخون لك يا تراب ويعادي
===محمود شبيب ===
ليست هناك تعليقات:
إرسال تعليق