.... ( عتاااااااااا ب )....
اة يامصر يامايا..
من كتر الام وجع ..
قالوا عليكى جنة ..
ماشفنا غير الوجع .
فزورة وملهاش أجابة !!!!!!!
ازاى وانتى بقرة حلابة ..
ولادها مش لاقية تاكل ..
وخيرها شفطاة الديابة ..
فى حد عندة اجابة ؟؟؟
_____________
الرحمة فيكى ماتت ...
والغلا كوى الناس...
ومهما فقيرك عمل ...
برضوا متهان ومنداس ..
لسة مادد ايدة ...
و الغنى مش حساس ...
دة العيب مش عليكى ..
على بنى من غير اساس ...
_____________
وكل يوم زيادة ..
واتبرعوا ياسادة ...
أتبرعوا عبادة ...
ماتبطلوا شحاتة ...
ونجبلكوا منين ...
اما احنا عاشبن بالدين ..
خرجتونا عن شعورنا ..
ناقص نقلع هدومنا ..
ارحمونا وحلوا عنا ..
وكفاية الى جرلنا ..
_________________
فرحتونا بكلمتين : وعشمتونا
بلخير مراكب ..
فالفقر زاد على العباد ..
والهم شاكب وراكب ...
يامصر فيكى العجب...
مانتى ام العجايب
ناس مش لاقية الدوأ ..
وناس ماشية بمواكب ...
______________
بامصر عيب استحى ...
وخلى عندك دم ...
أزاى أم الحضارة ...
وفيكى مليون فم ...
بياكلوا من الزبالة ...
ومش لاقين المم ...
بصراحة حاجة تكسف ..
واللة عيشة غم ..
بقلم شريف رستم ...
9 /2016
ليست هناك تعليقات:
إرسال تعليق