أنا ألانسان
عايش من قدم الزمان
بدواير الشر لافف مخلوقات ومكان
ولما تيجى عليا الدنيا
ااقول وسوسة شيطان
يا اخونا الشيطان ضعيف
بكلمتين وآية بيصبح تراب
او يخنس ويبعد كمان
أنما ألانسان اة منو من زمان
أنا الانسان
ببيع السلاح والحلم
والصبايا الملاح
انا سبب الحروب
وسبب بوار اراضي الفلاح
وبنظلم الشيطان
ونقول علية السبب
دة حتى ربي من السما
قال شياطين الانس والجان
يعنى قدم الانسان
على ملوك الجان
أنا ألانسان
لايقدر عليا انس ولا جان
لو طق فى دماغى دمار
اولع فى اب وام وعيال ودار
ابنى مستوطنات وابيد اطيان
واعمل جنس أري وشعوب الله
اصنع قنابل وابنى سور وجدار
أنا الانسان
مخلوق ضعيف من طين
بس عقلوا سمو متين
وان حكموة علغلابة
يبقا اسد فى غابة
بنقول اعوذ باللة من الشيطان
لازم نقول وكمان من الانسان
لو موش مصدقين الكلام
اهو رمضان هل هلال
والشياطين متسلسلين باغلال
هاتوا الجريدة فى أيام رمضان
وأقرو كم الجرايم فى حق الغلبان
من اتقتل ومن قتل ومين مات جعان
مين السبب فى الشرور
والشيطان علية الف سجان
انا الانسان
الشاعر يسري خليفة
ليست هناك تعليقات:
إرسال تعليق