سابني وراح
لفيت كتير علي عش أرتاح لي فيه شوية
يمكن ألاقي لقلبي ..................دفا وحنية
جريت وطرت عليه ........ومشيت برجليا
لقيت يمامة بتبكي........... حسيت بحنية
قلتلها مالك قالتلي... وليفي سابني وراح
في العش متعلقة.............. لا زاد ولا ميا
ضيعت عمري ياعمري معاه
لا اشتكيت ولا قلت الآه
ولما لاف علي طير غيري
سابني وباع عشرتي وياه
ليه يازمان عمري نسيته
مين اللي آسي اللي آسيته
كان كل ذنبي معاك يازمان
انه خدعني وحبيته
بني لي عش وفي العالي
وقاللي ياحبيبتي تعالي
نسكن هنا ونعيش في أمان
بعد ما جيت له سابهالي
ولما لاف علي طير غيري
حكمت قلبي وضميري
أختار يعيش ع.شوك وياه
بدل ما اغطيه بحريري
باع العشرة وفات لي يادوب
حبة قش وتل ذنوب
خلاص يا قلبي ملكش حبيب
لازم ترضي بالمكتوب
يارب عوضني ياربي
اخلصت له وكان ايه ذنبي
مش عايزة غيره حبيب تاني
ولا عايزة غيره يقف جنبي
طارق عطية...موال
ليست هناك تعليقات:
إرسال تعليق