يا ابن بطني
بقلم الشاعر بالوطن /آسرفاروق طرباي
يا ابن بطني
يا ابن بطني بلاش تهني وسط الخلايق
لساك بتشتم وعلي قاسي ف العند سايق
متمرش فيك رضعت مني وبقيت كبير
ولاشرب ميه ولا أمان ولا جو رايق
عمال بتشرب ف دم أخوك
وكمان بتقتل اللي حموك
قلبي وربي غضبان عليك
وأسمحلي أقولك ملعون أبوك
فاكر بإنك هتنول رضايا
وتعيش وتحكم أرضي وسمايا
لو كنت أعرف إنك خسيس
ما كنت تيجي وتسيل دمايا
فوضت أمري للي خلقني ودعيت عليك
مش انت بس انت وكل اللي يراعيك
أقسمت إنك ما تحط رجلك علي شيء ف أرضي
خليك طريد ما تلاقي حد يحس بيك
الشاعر بالوطن /آسرفاروق طرباي
ليست هناك تعليقات:
إرسال تعليق