يامحيرنى
بقلمى فارس بنى عبدالجواد
يامحيرنى
.
إرحم ياحبيبى قلبى إستوى
يامحيرنى معاك فى الهوى
وفاكرنى انا المحقوق
.
إزاى تغيب عنا
وانا اسهر واستنى
ويسهر معايا الشوق
.
ولما يزيد شوقى
ابكى وإيدى على طوقى
وأحس ان انا مخنوق
.
يعنى عاوز تموتنى
وتغيب ياعم وتفوتنى
وقلبى يعيش محروق
.
وانا اللى عمرى ماجرحتك
خلاص خليك براحتك
والمياه مسيرها تروق
.
وترجع تانى لنيلها
والقمر ينور فى ليلها
والنجوم من فوق
.
والندى يغمر اراضينا
وربك كريم ويرضينا
والشمس ليها شروق
.
والزهور تفتح فى بستانا
ونفرح تانى ونتهنا
ونجمع الشهد والبرقوق
.
بقلمى
فارس بنى عبدالجواد
ليست هناك تعليقات:
إرسال تعليق