( فيض مشاعر )
تصدقى من غير ما أحلف
من حنانك كنت بغرف
لا ف يوم مره شبعت
أو أقول إنى اكتفيت
الطمع خللانى أقطف
من زهورك لما بعزف
لحن كان ف القلب ساكن
كان بيحلم بالأماكن
لما بيكى إلتقيت
كنت واقف ف انتظاره
كنت سابح فى مداره
ف الساعات اللى بعيشها
لما شفتك يوم ماجيت
كنت حاسس إنى بجنى
م الحصاد اللى زرعته
جوه قلبك لما صنته
يومها قلبى قال ياريت
كنت جيتنى بس بدرى
قبل ما اعرف حتى إنى
من دلالك إنكويت
بس لما هربت منى
خدت بعضى وانطويت ( نبيل الوردانى )
ليست هناك تعليقات:
إرسال تعليق