***** بحر الهيام **** بقلم **** الشاعر **** وائل مسلم ******** شراع الغرام فارد في بحر الهيام قلوعة /// وانا مراكبي والحب ساكن في قلبي وجوة احشائي وضلوعي /// بعوم في بحر هواكي وعايز انول رضاكي /// واجازف في موج عاتي /// وفي لحظة غابت شموس الهوي /// والنار لهيب في قلب بالحب داب وانكوي /// والموج في البحر عالي /// لكن علشان بحبك يا غالي /// ميهمنيش من المستحيل /// ولا اخاف من ليل البحر الطويل /// لاني عارف اني هوصل جزيرة الاحلام /// وقلبي عملتة بوصلة بتشير لسهم حبك /// وضحكتك من بعيد واصلة لي /// يا مركب العشق علي فين موديني /// دة جنة حبيبي من بعيد يتناديني /// سمعتها من بعيد بتقول مستنياك يا عمري /// ارجوك يا مركب عليها توديني /// عايز اوصل اوام /// واعيش معاها في جنة الاحلام /// ولما وصلت هناك لقيت حببتي مستنياني في شوق ودلال /// يا سلام عليها اميرة منورة الجزيرة /// وحست اني في امان ونجيت من الطوفان /// لما ارتميت في حضنها لقيتة لسة حضن حنان /// افرح يا قلبي مخلاص وصلت لبر الاماني /// ولقيت في عينيها عنواني /// علشانها احقق المحال /// لان حبها في بحر الغرام دليلي /// وفي جزيرة الاحلام لقتها هي اللي عن لوعة الشوق بتحكي لي /// قلتلها واية اللي رماني في بحر الشوق /// غير الحنين والعشق اللي في القلب بقي لة سنين /// وخلص الكلام ودبنا في بعض في غرام وهيام /// وزقزقة العصافير وشدو البلابل معنا فرحان /// وعشنا في جنة الاحلام /// يا محلاها ايام لحظات عشق وهيام ///
ليست هناك تعليقات:
إرسال تعليق