طيور الخصام بقلم الشاعر / على الطاووس

اغنية...طيور الخصام

حامت علي حبنا...

طيور هجرك و الخصام...

فا يا حبيبي...

ده حتي في الخصام...

اللي بيني و بينك...

و اللي بقاله أيام...

ود و حب انا عيشاه...

لما تجيني ذكري...

في بالي معاك...

علي طول لساني يقول...

ياه ياه ياه دي كانت ايام...

فا يزيد حبي ليك...

و حلاوته علي شفايفي...

بتحلي ليا مر الايام...

و القلب يتمني من تاني...

و لو دقيقه تانيه و ياك...

فا الجفي منك بتقابله مني... 

لحظات عشق...

شوفت فيها انا العذاب...

فا يهرب منها القلب...

و يتمني يعيش...

عايم في بحر الاحلام...

فا انت يا حبيبي...

خلتني احبك...

حتي في ايام الخصام...

و اعشقك...

بروحي و الفؤاد...

حتي في ايام البعاد...

و لكني كرهتك...

ايوه كرهتك...

كرهتك...

في وصالك و انا معاك...

و صمتك و سرحانك...

خلي القلب يرفض هواك...

و قراري كان البعد عنك...

احسن من الوصال...

ده حتي الناس بيتمنو...

بيتمنو يشفوني...

في ايام الخصام...

علشان الفرحه...

اللي منوره خدودي... 

و راميه بظلالها...

علي جفوني و علي وشي...

من كتر الذكريات...

وفرحت عيوني...

ليهم دليل الغرام...

فا يا حبيبي...

ده حتي في الخصام...

ود و حب و انا عيشاه...

لما تيجي في بالي...

ذكري معاك...

علي طول لساني يقول...

ياه ياه ياه...

و اخرتها يا حبيبي...

بقي وياك....

مع تحيات شاعر الوجدان الشاعر السكندرى\على الطاووس