((((( ياااااااه )))))
كان هِنا نُورج زمان
وكات هِناك ماكينة طِحين
كان ليها جُرن ومصطبه
نقُعد عليها ونِشترى جِميز وتين
أيام زمان ما كانش فيه شحاتين
*****
كان الغنى يشِيل الفقير
كان كل بيت له ألف باب
تِدخُل وتاكُل
تِدخُل وتِشرب
تِدخُل وتِلبس
تِضحك تلاقى ضِحكتك
بتْرِن فى بيوت الغلابه
ما كانش فيه فى الليل سهر
غير للديابه
*****
كانت بلدنا من زمان
انا كُنت فاكر حِسِّها وطَـعـمها
وريحة التراب
انا كُنت فاكر فين سكن كُل العذاب
كان العذاب ساكن فى أحضان المرض
*****
شاعر القريه
فيصل بدر
ليست هناك تعليقات:
إرسال تعليق