يعنى ايه انى احبك حب قبلك
عمر قلبى ما حسهوش
يعنى ايه الدمع يبقا جوا عينى
ونفسه يبكى وما ابكهوش
يعنى ايه إحساسى يسكن
جوا نبضى
وما أوصفوش
وادارى عنك حبى ليكى
ولو سألنى حد عنك
اقوله لا ما بحبهوش
واغير ف شكل حزنى
وادارى وافرح
قصاد كل الوشوش
ولو قابلتك مرة صدفة
اقول لقلبى عدى وكأنك
ما قابلتهوش
واعيش عشانك وانتِ
عايشه لحد غيرى
واشتاق واكون ف أوقات كتير
محتاج اليكى
يصرخ ضميرى
سيبه لحياته ما تبعدوش
يعنى ايه انى احبك
حب قبلك
عمر قلبى ما حسهوش
الراااااوي
ليست هناك تعليقات:
إرسال تعليق