الى ولدي المروم (( محمد ))
===============
يا دنيه وين أَمانج ؟ بس تأذيــن
وطبعج بيه غدر من
تغمض .......العين
طبعي مغمض وهالبال مـرتاح
وابغفله اخذتـــــــي
مني ...... هالزين
***
يا دنيه ذنب ما عــدي ويــــاج
كَوطرتي أبحبيــــبي
العمره .... عشرين
(حمودي) مثل قـداح الغـروب
وشبوي الحدايـــــق
والرياحيـــــــــــــن
***
حمودي رفيف اجناح عصفور
صكَر البين شالـــــه
وأحنه ......غافيـــن
حمودي ندا وردات بالصيــف
وابرودت فجــــــــر
نسمة .. بساتيــــــن
***
حمودي اشوفه وياي بالبيــــت
ما فاركَنه لحظـــــه
ويََ.... المحبيـــــن
حمودي مطرلوعطشت الكاع
من ينذكر اســــــمه
ايخضر .... الطين
_______________________
الشاعر / فالح حسن الجابري
_________________
1/10/2017م
_________
ليست هناك تعليقات:
إرسال تعليق