# زفة شهيد
ياللي موت عشان
اعيش
ليك من. قلبي
التحيه
شفت روحك
ليها ريش
زي طير
والقلب غيه
المسك ساح
والزعفران
لمس السما
زي الادان
اتفتحت
كل البيبان
تحضن الروح الزكيه
قولوا لحبيبتي
الليله عيد
والشمع نور
ف النشيد
ماعرفش اقول
في كلام واعيد
غير اني عاشقك
يابهيه
لو ابني يوم
سال عليا
وشاف ف صورتي
دموع عنيا
كان. نفسي لحظه
احضنه
قبل الرصاص
ما يخش فيا
ويا. مصر
اوصيكي بامانه
ما تخلي. بالك
م الخيانه
فيه قلوب. كتير
جبانه
غداره مليانه باذيه
ليست هناك تعليقات:
إرسال تعليق