#كعب داير
اخر محطات
الوصول
بتشدني
للمبتدا
ليه كعب داير
ياوطن
رحال
ورد السؤال
دبلان علي ايدي
الشمال
واقف علي بابك الخلفي
حرس
خلفي الحرس
قدامي بيدق الشاكوش
الانتظار
للدم طعم القرنقل
للروح جناح مكسور
النيل صحي
بيمارس التمارين
وشك ف وش الحيطه
يابن الا سفلين
الشومه كتبت
فوق سطور الضهر
الف كلمة
اشتباه
الدم طالع
من. براويز الحصار
رافع ايديه
انتباه
النيل يعاود
حبه حبه
م. الذهول
اخر محطات الوصول
للدم لون. المغرب
اللي جاي
ياروحي خشي
من. تحت عقب الباب
ورشي ع الوجع
ملح الحنين
وطبطبي
فوق الالم
وابقي اعدلي
كل. اللي مال
الضلمه غطت
بصه. الزملا
كعب. الشويش
لسه بيوجع
في بلاط الطين
لسه الهدوم
منشوره فوق
حبال الخوف
وفوق الغيم
لسه الشجر
مستحمل العصافير
مفتوحه شباببك العيون
بس الضلام
قاعد. علي الناصيه
بعد. الفجر
مش ف الليل
كح الشاويش
اتجرح المنديل
صوتك مطر طازه
لكن شفايفي
مقطعه وعاصيه
يااااااه
لسه الشجر
طالع لفوق
بيزك بالعافيه
لسه الشوارع
مفروشه من تحت
الجزم
مستهبله وغافيه
لغمط الحبر الصوابع
والخانات
ومسحت وشي
بالسواد
خلعت روحي
م الرصيف
وحشيت هدومي
بالرسايل والسكات
لسه الهديل
مجدول
ف روح كل. البنات
واقف علي شطك
هناك
برمي علي.وشي
تعاويذ انتظاري
بتهجي لغة الموج
لكن بداري
جوا خوفي
انشطاري
واجر. خلفي
حديد. ذلي
وانكساري
شفتك انا
كنت. انت
خارح من. ورا
قزار الفاميه
تفرك ايديك
جريت عليك
انا. كنت ناوي
احضنك
معرفتنيش
رغم التطابق
ف الوجع
والفيش
وبراءة الذمه
من التهمه ..المفيش
#من ديوان طراطيف الحلم
شعر عاطف عبد الفتاح الشيمي
ليست هناك تعليقات:
إرسال تعليق