مسافر
مسافر مسافر
فى بحر الحياه
وزادي هو ديني
وطوق النجاة
مسافر معافر
فى موجك يادنيا
وعارفك يادنيا
فى الآخر أنتي فانيه
ورافض وزاهد
فى لعبك ولهوك
كاره زخارفك
وزينتك وزهوك
مش عايز توبى الأبيض
ألطخه بسوادك
لاإنت يا دنيا أمى
ولا انا من ولادك
إشتراك يادنيا قبلي
ثمودك وعادك
صبحم حطب جهنم
ونولتي مرادك
يادنيا أنا ضيفك
وأنا أصلي ضيف خفيف
ولا انت كارهه ضيفك
يكون شريف عفيف
عارفه وانا عارف
إنك على المشارف
وإللي يتغطى بيكي
يصبح عريان وخايف
سيبينى أعدى فيكي
يادنيا بسلام
بايعك وشاري الآخره
وده آخري فى الكلام
بقلم طارق السيد
ليست هناك تعليقات:
إرسال تعليق