لسة فاكر حبها !
كل ما بيسألنى حد
لسة فاكر حبها
أسكت وما ألقى عندى رد
أنا كنت لسة جنبها
لو غابت عنى ثانية أموت
لو غبت عنها أبقى مُت
كتير بفضل السكوت
وأعيش ف ضل همسها
كل ما أشوفها الشوق يزيد
أشتاق لها أكتر وبجنون
مهما طال البعد بينا
وفرّقت بينّا الظنون
هىَّ بالنسبة لى دنيا
جامعة بين كل الفنون
شِعرى بستمدُه منها
روحى ساكنة نبضها
فاكر لمّا قالت إن مرة
حياتنا بدونّا متساويش
إترمينا ف حضن بعض
مرة واحدة عشان نعيش
كات إيديها حاضنة إيدى
وشوق عينيها ميتحكيش
لما نزلت دمعه منها
عذابى زاد من وقتها
كل لحظة بقول لها
إنتِ بتحبينى أكتر
كات تزيد من تُقلها
قولِّى إنت قد أيه
حبى ليها عدا نفسى
يبقى حبها لىَّ أية
أكتم ذنبى جوة منى
يدوب ألاحق عشقها
بقلم "محمد الخضرى "
ليست هناك تعليقات:
إرسال تعليق