اذا بتفكري طالب رضاكي
ما بدي اياه ولا بدي بلاكي
واذا بتفكري ما في بدالك
غشيمه ومنطق غرورك عماكي
لا تنغري بحسنك وبجمالك
اذا متباهيه انتي بغناكي
ولا بتهمني كثرة موالك
ونا درويش مش من مستواكي
لو نك بدر في ليلة كمالك
ولو نجمة تكوني في سماكي
زهقت من غنجك وكثرة دلالك
ومن قسوة فؤادك في هواكي
عني ارحلي وظلي بحالك
ما بدي انتظر لحظه معاكي
ولمي غلالك وشيلي سلالك
تا اكسر شي الف جره وراكي
انا وارتاح لحالي بلاكي
====محمود شبيب ====
ليست هناك تعليقات:
إرسال تعليق