""" إلى عاشقة البحر .."""
...........د................
قلت. لمّا وصلنى
جوابك ياعاشقة
البحر. ومسافرة
ما نابنى فى بعادك
إلا شوقى
ونظرة وشوش
كافرة
وكل ما اقول غربتى
هانت
ألاقيها علشانى ديما
معافرة
انا حنيت لكل. حبة رمل
ف أيديك تنادينى
نبنى قصور على الرملة
وهمسة شوق تدينى
ونظرة من عينيك
تصحينى
واتارينى. ما عندى رد
لجوابك
ياعاشقة. البحر وراشة
الشوق ع أعتابك
وليه بقى. انا محروم
من احبابك
وتملى أشوف فيكِ
القمرة
ومعاها نجوم تهز
جفونى
وتحرمنى النوم
وتسرح فيها عيونى
وتقول
بكرة. هنتقابل
واتارى بكرة مش قابل
وابات وحدى. انا
المحروم
يا عاشقة البحر ومفارقة
انا لىّ فيكِ حاجات
نادرة
طيب ارمى. الهلب
ياقادرة
خلينى ارجع تانى
ل جبينك
واترمى فى حضنك
وحنينك
والا. اتغرب. تانى واعد
نجوم
والا أبات الليل. تانى
محروم
ونقيد الشمع. والاناديل
ونسهر على شط
النيل
واقول لك. يا عاشقة البحر
ومسافرة
بلاش. تودينى. تانى ل
وشوش. كافرة.......
الى عاشقة البحر. عامية. من ديوان. نخيل قريتى...
ليست هناك تعليقات:
إرسال تعليق