( بلد الامانه )
اول كلامى
الله اكبر
عليكى يابلدى
يا امن وامان
لاهلى وولدى
اه من تاريخك
يابلد الامانه
عاشق وصاين
جنابك يابلدى
كلك امانه
وصدق وعفاف
واللى ماجالك
والله ماشاف
نيلك يابلدى
ولا جسورك
وقت العصارى
ع شاطى بحورك
يلاقى الجنان
وسط الرجال
ولا صعيدك
يا بلدى بامانه
رجاله بصحيح
ما تعرف خيانه
اصغر ما فيهم
يعرف اصول
يا نهضه زمانى
ف كل العصور
بكتبلك كلامى
ووصفك يطول
لانك جميله
حيرتى العقول
باسمك يابلدى
هكتب واقول
فيكى الملامح
فيكى القبول
رسمتك جزيره
واحنا الطيور
نحلق نفرفر
نحب الحضور
صيفك شتاكى
كل الفصول
جميله وهاديه
مثل البحور
يابلدى بامانه
معروفه بطيبتك
ولا طبعك خيانه
ولا حابه الاهانه
اصلك يا غاليه
عارفه الوصيه
ف غيبتى وبعدى
انتى اللى ليا
اسافر اهاجر
اشتاق اليكى
ووقت اما ابكى
تحضنى ايديكى
الاقيكى قصادى
ف الغربه تملى
وف عز ليلى
ع نيلك اغنى
يامجدى وحضارى
يا غنوه جميله
ما شفت زايك
لانك اصيله
يابلدى بقولك
احنا رجالك
ف الشده نصونك
نحمى جبالك
ع الراس نشيلك
لانك كريمه
يابلدى بامانه
انتى الحنان
يا ام الرجوله
وكل الامان
يحميكى ربى
من غدر الزمان
لا تميلى يوم
ولا تقفى كمان
حافظه الوصيه
وليكى المقام
وسط البلاد
عارفه السلام
يا اجمل جميله
خلص الكلام
.................
بقلم الشاعر /
عبدالفتاح عزت
ليست هناك تعليقات:
إرسال تعليق