علم بلادى تلات ألوان
فى القلب ساكن و الوجدان
و مصر بلدى..حبيبتى بلدى
جميلة و أجمل الأوطان
أبيض بياض قلوب ولادها
إسود على اللى يمس ذاتها
و أحمر دا لون دم اللى ضحوا
لجل أما تعلا لفوق رايتها
علم بلادى هلال و صليب
متقولش مسلم و مسيحى عيب
الأصل مصرى...أصلك و أصلى
ولا يوم يفرّق بينّا غريب
مصر ساعة ماتنادينى..
مش هقول دينك و دينى
فرحى فرحك...همى همك
حبها فى دمى و دمك
مد ايدك هتلاقينى...قبل منها بمد ايدى
و ان طرفلك حد عينك..
يصرخ الدم فى وريدى..
ألف آه من قلبى تطلع
وروحى تسكن بيت آنينى
بقلم الشاعر/صبرى أبوطالب
ليست هناك تعليقات:
إرسال تعليق