حديقة الحيوان
في حديقة الحيوان
إقفاص وبيوت وبيبان
وقفص القرد المانكي
بيجاور أبو قردان
وكان القرد المانكي
ذو المنشأ سيريلانكي
بيغيظ ف ابو قردان
وتملي يقوله يادونكي
وأبو قردان متضايق
زهقان طهقان مش طايق
عشان القرد المانكي
بحمار خده بيتعايق
أبو قردان نوى على نية
صحي بدري من الصبحية
وإتسحب عضه ف خده
وهرب إبن الجنية
وكمان بيت الضبع
بيجاور بيت السبع
والضبع لأنه لئيم
وتملي خسيس الطبع
قاله ياملك الغابة
ياما كدا في الحبس غلابة
مين حبسك كدا ياغضنفر
ودا تغفيل ولا خيابة
هجم السبع عليه
وإداله بوكسين ف عنيه
الضبع عمل فيها أرنب
ووطى وباس في إيديه
قصر كلامي السبع هيفضل سبع
برغم الحبس محدش قده
والقرد إن كان يتعايق بحمار خده
يبقى عبيط يستاهل عضه
بقلم طارق السيد
ليست هناك تعليقات:
إرسال تعليق