صرخة ميت
مات الولد في عز شبابه
مات ولا كان عامل حسابه
إنه هيسيب تربية ولاده
لست الحسن والجمال
مات الجدع وساب الدنيا بهمها
وقعدت الست تحلف وصدقت وعدها
تدعي لي بالرحمة ودموعها على خدها
وقالت بعدك يا غالي جواز تاني محال
صرخ الولد من قبره صرخة تهد الحيل
قبل السنة ما تم كان فيه هناك بديل
ونسيت ست الحسن دموعها في المناديل
وشقت طريقها للسعادة وراحة البال
صرخ الميت بقوته كسر جدار السكون
قال وعدها اتنقض وأنا في حالة جنون
ضحت بحبها و عشرة العمر تهون
وصرختي من قبري على بكا العيال
يا ست الحسن اعرفي كله سلف ودين
كنت سبب صرختي ونزول دموع العين
هان عليك الضنا و عشرة العمر فين
بكرة يزول جمالك وتشوفي الاهوال
بقلمى / محمد عبدالعزيز دراز
