يعني..
،،،،،،،،،،،،،((في عيد الحب))،،،،،،،،،،،،،،،،،،
في عيد الحب بأهديلك
شموع قلبي تنورلك
ضيا في ليلك....
وزي ماقلبي قاد شمعه في
حضن عنيك مرسايا
تنورله قناديلك.....
انا حبيت سنين عمري وانا جنبك
انا حطيت علي عشك وشطي
كان علي نيلك......
اغنيلك مواويلي وبرموشك تغطيني
ويسهر حلمي طول الليل
وتشجيني مواويلك........
انا بعشق نسيم الليل علي خدك
وبأتمني يوم فرحك بدعوه
سعد. بادعيلك.......
تصحيني لياليا تلومني النظره في عنيا
تقولي ازاي يجيلك نوم بدون
ماتطل علي عينك........
نسيت عمري الا فات قبلك ميلادي
كتبته في عشقك علي
لحني اغنيلك........
لقيت عنواني في عيونك بنيت عشي
علي غصونك ولو روحت بعيد
عنك يسبني حنيني ويجيلك .....
هاجيب الدنيا في كفوفي ولو بيني
وبينك ايه . هأخطي
بحور واعديلك.........
بورده حمره منسيه وياسمينه معديه
وشوق العمر ياعمري في
عيد الحب باهديلك........
انا عيدي هنا في قربك ينسيني الجوي
حبك ولا بأقدر اعيش
ايامي من غيرك.............
في عيد الحب بهديلك
شموع قلبي تنورلك
ضيا في ليلك،،،،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،/ رأفت يوسف
