صلّوا معي
صلّوا معي ت نرّجع الانسان
دروب الوفا عنوان نمشيها
صلّوا معي ت نرّمم البنيان
قلوب الصفا ايمان يضفيها
صلّوا معي بالشرق بلدان
بصدق المحبة نرد ماضيها
صلّوا معي بالحما اوطان
نزرع مشاتل نور نحميها
صلّوا معي عالمئذنة صلبان
وهلال حد جراس صليها
ندعي لرب الكون للرحمان
يهدي عقول الناس يكفيها
ونعود كِسرة عيش بالأزمان
عالزيت والزيتون نقضيها
ويعود نِعم العيش للجوعان
قنديل قطرة زيت يضويها
الأرز و نخيل يميل عالشطآن
مراكب هوى للريح نمضيها
ونطير متل فراش عالريحان
حكاية مجد للعز نحكيها
ياناس حبّوا الناس بالغفران
بالدم امي الأرض نفديها
بيكفي شناعة وضيم ياجيران
صوات اليتامى تنوح بالبكيان
وأمات حرق جراح يكويها
رامز عيد
26/04/2017
