ست الحسن
وياما حلمت انا بيها
من صغري
وشوفت حياتي في عنيها
وشوق عمري
وكنت يادوب ولد طايش
ومش شايف
لا حد قصادي يستاهل
وتستاهل تكون هي
ملاكي وفرحتي و قدري
ودا كان حلمي انا بيها
من صغري
=================
ياست الحسن يا أميره
أنا فكرك ومش ناسي
صحيح بعدك أنا ف حيره
لكن عمري مااكون قاسي
ماانا المجنون عشان حبك
وعارف إني مش قدك
لكن بالحلم كان حسك
وهعمل إيه في إحساسي
ومين يقدر علي المكتوب
ومين بالحب دا يدري
وغصبً عني دا مكتوب
عشقتك انتي من بدري
وكنت يادوب ولد طايش
ومش شايف
لا حد قصادي يستاهل
وتستاهل تكون هي
ملاكي وفرحتي و قدري
ودا كان حلمي انا بيها
من صغري
=================
احمد طلبه
2017/١١/١
