أنا حر
_____
أنا حر وكفاني مـن الاشـارات
وفهمـــت اللــــــي ابالك
ولتريده
شكثرهذا العمـر مر بمحــطات
ومو عجبه الكَلب يحزن
ابعيده
ولا بيهـه غرابه اتيه هالـــذات
والصــــياد تصطــــاده
الطريده
ولاعجبه التريده اباله غايــــت
وعنده أطماع مرسومه
وبعيده
كلشي اليبتدي اتحــده نهايــات
عالم مرتحـل نتني
جديده
عالمنا مثل نســغ ابمــــسارات
الصاعد للورق جذعه
يعيده
وانظــل أنتشبث بالمــــتاهـات
واطباع البشر ندري
عنيده
________________________________
الشاعر/ فالح حسن الجابري
________________
30/1/2018م
