........ حبيبتي
سحرتيني وسحرتني
عيونك الحلوين
ومش عارف من
سحرهم الاقي دوايا فين
سحرتي القلب بلمسه
من ايدك
لقيت الروح تاهت مني
ناديت روحي تاخدني
لدفا نفسك وتكتب
لقلبي حجاب
يكون فيه دوايا من
سحرك وياخدني لو
لحظه لقربك عنك يطمني
تدوب روحي مع روحك
واسمع بالصدي
بوحك يكلمني
يعلمني الصبر في
غيابك يوريني طريق
الشوق لأعتابك
واندهلك بصوت الصدق
انا عاشقك في زمن كداب
سحرتيني وسحر عيونك
الحلوين بيندهني
بيسألني عن زمن عدي
قبل ما اقابلك كنا فيه اغراب
وبيضحك وضحكته بتعلي
بيرسمها علي الجدران
صوره تكلمني
واشوف عيونك اللي ساحراني
تغازلني بتنتظر حتي من
صمتي جواب
والاقي سحر عيونك مع شوقي
يعاتبني ويغلبني حنين قلبي
اللي في هواكي سهرني
ويشق صمت لوعتنا بكلامه
هنعيش انا وانتي ياعمري
علي مر الزمن احباب
ويتمتم ياروح رواها الصدق
ياعيون سحرتني بحور للعشق
ياكلمة حب مكتوبه ومرسومه
سطور في كتاب
وحق رب الكون العاطي الوهاب
وحدك لقلبي وزمني وعمري
من بين كل النسا حقيقه وكل
النسا بعدك ضباب وسراب
................. بقلمي
............... دكتور احمد حافظ
ليست هناك تعليقات:
إرسال تعليق