أنا هويتك:
جيتك هالساعة والمشاعر كلها غرقا
مبلولة بشوق وحنين من ناح بيتك
لاهي عيب وحرام ولاتقول عنها سرقا
من يطري بالبال طيفك يوم أنا هويتك
ياناعس الطرف ورمش عينك وبرقا
يرعد بالحشا ويزود الغلا يوم غليتك
القلب لك وشريانه والوريد وعرقا
تعال هل مزونك ولا تردني ترى ناديتك
ماني من اللي يصيح الآه وبيه خرقا
من بعد وجفا وداخل الحشا طويتك
جسر الحنين تعرف أشعابه وهم طرقا
امشي بيها بدلالك وكيفك ورويتك
وحق من بسط الأرض ورفع السما الزرقا
لاتظن يوم تروح من البال وقول نسيتك
ياريمن كلها حلا وجمال وزودها رقا
انت اللي شد نظر عيني وبالقلب احتويتك
حاولت أكتب أبيات وحروفي لاجل ترقا
لمستوى يليق بمقامك وكلماتي هديتك
ترى كتبت وراح كلامي باتصال رفقا
وعدت بالبوح عسى أكون جبتك وشديتك
@عزالدين الحميري@
ليست هناك تعليقات:
إرسال تعليق